Өзі жайында
Мен адамдармен тез тіл табысамын, ашықпын, жаным нәзік, уайымшылмын.
Мен айрықша турашылмын, қаталмын, кей жерде ептілік танытып, жалпақтап, жағымпаздана алмаймын. Кейде менің алдымда қандай адам тұрғанын түсіну үшін бір рет кездескенім жеткілікті.
Мен кітап оқығанды жақсы көремін. Әдетте қатарынан әртүрлі жанрлар мен стильдегі төрт-бес кітап оқимын.
Достармен кездескенді ұнатамын. Бұрын біз ішіп-жеп, әңгімелесіп, жан-жаққа тарап кету үшін жиналатынбыз, ал қазір қарым-қатынасымызды жақсы түйсіне бастадық. Менімен бірге қалған адамдар жаныма ең жақын адамдар. Бізді байланыстыратын өзімізге қымбат оқиғалар көп. Сол себепті біз міндетті түрде айына бір рет жиналамыз.
Менің өмірлік қағидаларым – адал және қызыққа толы өмір сүру, адамдарға пайда әкелетін дұрыс әрекеттер жасау
Біз жұбайымызбен сенбі және жексенбі күндері дүкендерді аралағанды жақсы көреміз.
Өмірімнің мәні – жұмысым, отбасым, достарым және ата-анам.
Менің өмірлік қағидаларым – адал және қызыққа толы өмір сүру, адамдарға пайда әкелетін дұрыс әрекеттер жасау. Адамдарға қуаныш сыйлағанды ұнатамын.
Алматы жайында
Алматы — маған көп нәрсе берген айрықша қала және сол үшін мен оған ризамын. Қайда жүрсем де, осы қалаға қайтқым келіп тұрады. Алматыда біраз уақыт тұрған адамдардың өздері күндерін тауларсыз елестете алмайды.
Алматы маған отбасы мен өзімді таныту мүмкіндігін сыйлады. Осы қаланың арқасында мен шынайы өмір сүремін. Әрі бұл өте жарқын оқиғаларға қанық өмір.
Алматы маған отбасы мен өзімді таныту мүмкіндігін сыйлады
Маған Алматыда өзімді жайшылықта сезінетін жерлер ұнайды. Мысалы, қазір тұрып жатқан Алатау маңындағы шипажай. Оған қоса, уақытым болған кезде, мен Горький атындағы саябақта болғанды ұнатамын.
Жанашыр адамдар және олардың өмірлік істері
Менің өмірлік ісім – медицинадағы, хирургиядағы жұмысым.
Мен медициналық институтқа түстім, ал хирургияны ерлерге ең сай мамандық болғасын таңдадым. Бұл менің бағытым, өзімді хирургиясыз елестете алмаймын. Осы мамандық үшін қаншама еңбек, жақсы, қуанышты, бақытты күндер, ұйқысыз түндер өтті. Басқа жағынан қарағанда, өкінішті сәттер де болды. Менің еңбек өтілім 24 жыл.
Жас дәрігерлерге айтарым: тек аянбай еңбек етуге, білім алуға, әрдайым өздерін танытуға дайын болса ғана, медицинаға баруларына тілектеспін
Біз ең жоғары дәрежеде болған кеңес медицина заманын көрген ұрпақпыз. Қазіргі таңда келіп жатқан жас дәрігерлердің өмірлік қағидалары мен оқу үлгісі бойынша түсініктерінде кемшіліктер бар. Кейбір кезде маңыздысы ақша деп санайды, бұл жайт менімен замандас дәрігерлерді қынжылтады. Кейде біз олардан оқу мен жаттауды талап ететінімізді түсінбейді. Менің ойымша ол ұрпақтар сабақтастығы мен тәлімгерлік институтының жоғалуымен байланысты. Жас дәрігерлерге айтарым: тек аянбай еңбек етуге, білім алуға, әрдайым өздерін танытуға дайын болса ғана, медицинаға баруларына тілектеспін.
Қазіргі сәттегі рухының күйі
Жауынгерлік.