Ақтобе
— 21 наурыз сағат 11:00 мен 14:00 аралығында «Мәңгілік Алау» алаңында, Денсаулық саябағында, ғашықтар саябағында, Кең Дала ауданында, Абай бульварында, қалалық Мәдениет үйінің алдында мерекелік мәдени және спорттық іс-шаралар өтеді.
— 21 наурызда аудан орталықтарында «Жарапазан» әнін орындайтын керуен ұйымдастырылып тұрғындарды көктемгі теңесу күнімен құттықтайды
— 22 наурыз Өнер орталығы ғимаратының алдындағы сахнада гала-концерт өтеді. Оған Орынбор облысының шығармашылық ұжымдары қатысады.
— 22 наурыз Абылхайыр даңғылы бойында Ғазиз Жұбанов көшесінен Мәншүк Маметова көшесіне дейін кәсіпкерлер, мемлекеттік ұйым басшылары 150 киіз үй тігіп, қала тұрғындарына тегін бауырсақ, Наурыз көже мен палау таратылады. Бұл күні 4,1 мың литр көже, 6,8 тонна бауырсақ дайындалып, 850 метрлі улкен дастархан жайылады.
— 23 наурыз «Керуен-сити» орталығында қазақ ұлттық тағамдарының жәрменңкесі өтеді. Дәл осы жерде шұбат өнімдерін өндірушілер өнімдерінен тегін дәм татқызып, «Шубат-пати» өткізіледі.
Орал
— 19 наурыздан 31 наурызға дейін «Орал» орталығында қазақша күрестен 2004-2006 жылы туған жасөспірімдер арасында ашық турнир өткізіледі.
— 22 наурызда жаңа алаңда басты концерттік бағдарлама мен жәрмеңке өткізіледі. Сонымен қатар мерекелік концерт Круглоозерное және Зачаганск аудандарында ұйымдастырылады.
Атырау
— 20 наурыздан 25 наурызға дейін Baizaar сауда орталығында қолөнершілердің республикалық жәрмеікесі өткізіледі.
— 21 наурызда сағат 12:00 «Тамаша» сауда үйінде «Сафари парктің» мерекелік ашылуы өтеді
— 22 наурыз сағат 11:00-ден әкімдіктің жанындағы Орталық алаңда театрланған мерекелік іс-шара өткізіледі. Сағат 19: 00-де ашық аспан астында Алматы жастар театрының қойылымы өтеді.
— 22 наурыз сағат 12:00-де «Тамаша» сауда үйінде Д. Нүрпейісова атындағы Халық аспаптары академиялық оркестрінің, шығармашылық топтар мен жас орындаушылардың қатысуымен мерекелік концерт өткізіліп, ұлттық ойындар ойнатылады.
Ақтау
— 21 наурыздан бастап 15-шағын аудандағы жағажайда Наурыз мерекесі басталады, онда киіз үй, сахна мен концерттік бағдарлама, ұлттық спорттық ойындар және дәстүрлі тағамдар ұсынылады.
— 21 және 22 наурызда «Бәйтерек» сауда-ойын-сауық орталығындағы балалар саябағында 3-ші қабатта балаларға арналған жарыстар өтеді.