Дереккөз: fotolia.com
Бас киімді жерге тастауға болмайды. Жақсы нәрселер адамның маңдайына жазылатындықтан, бас киімге абай болған жөн.
Егер көршілер тамақ әкелсе, оларға ыдысты бос қайтаруға болмайды. Бұл — көргенсіздіктің белгісі.
Дереккөз: tarmpi-innovation.kz
Бос бесікті тербетуге болмайды. Тек баласыз қалған адам ғана бос бесікті тербетеді.
Дереккөз:ramblers.org
Баладан аттауға болмайды, ол өспей қалуы мүмкін, ал үлкендерден аттау оларға деген құрметтің жоқтығын көрсетеді.
Дереккөз: ilovegold.biz
Бас киімді өзге адамға беруге болмайды. Ол бұрын оны киген адамның тағдырын қайталауы мүмкін.
Қыз балаға ақ және қара түсті орамал тағуға болмайды. Ақ — әйелдің ана болғаннан кейін тағатын ақ жаулығы, ал қара — қайғының белгісі.
Дереккөз: stroy-dom.info
Үйді айналып жүгіруге болмайды. Себебі, бұрын үйге жау жақындап қалғанда үй иелері осылай істеген.
Дереккөз: magicwish.ru
Есіктің босағасын керуге, табалдырықты басып тұруға болмайды. Бұл бақытсыздық билейтін жер саналады.
Дереккөз: huffingtonpost.co
Таңдайды қаға беруге болмайды. Үйде таңдай қағу жамандық шақырады.
Дереккөз: pold.superstyle.ru
Қолды артқа қусырып жүруге болмайды. Бұл — тұтқынды еске салатын жаман ырым.
Жақты таянуға болмайды. Қайғы-қасіреттен әбден қажыған адам ғана жағын демеу етіп, таянады.
Дереккөз: sru.fotolia.com
Тізені құшақтауға болмайды. Бұл адамның өмірде ұрпақсыз немесе жалғыз қалуына әкелуі мүмкін.
Басты беттегі фотосурет: Sasha Gusov