Дариға Әбішбаеваның АҚШ-тағы оқуы және жұмысы туралы айтамыз.
Дариға Әбішбаева, 22 жаста, қаласы — Бостон, Production Coordinator at Fortune Live Media, @abishbayeva
Қоныс аударуы туралы
АҚШ-та тұрып жатқаныма төрт жыл болды. Бостондағы Northeastern University университетін «Коммуникациялар және медиа» мамандығы бойынша бітірдім. Мен Fortune компаниясында жұмыс істеп жатырмын. Үш аптадан кейін Нью-Йоркке көшемін.
2017 жылдың қыркүйегінде мен бірінші курста оқып жүр едім. Сол уақытта шетелдік оқу бағдарламасына түстім. Мен Бостонға 2018 жылдың қаңтарында қоныс аудардым және содан бері осында тұрып жатырмын. Біздің университетте Co-Op бағдарламасы бар, яғни бірлескен оқыту. Төрт жылдық оқу барысында студенттердің өзіне ұнаған компаниясында алты ай бойы жұмыс істеу мүмкіндігі бар. Менде екі тағылымдама болды. 2019 жылы мен New Balance компаниясында, ал 2021 жылы жиһаз сату компаниясында жұмыс істедім.
Жаңа өмірге бейімделу және қиындықтар туралы
Мен көшіп келгенде, мәдени шок алдым. Мысалы, америкалықтар өздері қалағандай киінеді. Тіпті далаға пижамамен шықсаң да, ешкім таңғалмайды.
Егер ағылшын тілін білмесеңіз, бас кезінде қиындау болады. Тіл үйренетін адамдар тобымен араласып тұрыңыз маңызды. АҚШ-қа келіп, тек қазақтармен ғана араласатын достарым көп. Менің ойымша, өзге мәдениет өкілдерімен танысып, таным көкжиегін кеңейту маңызды.
Сондай-ақ АҚШ-та бәсекелестік жоғары. Өйткені бұл жаққа көптеген адамдар мүмкіндік іздеп келеді. Мұндағы жалақы басқа елдерге қарағанда жоғары. Басқа мамандармен бәсекелесу өте қиын, әсіресе эмигрант болсаңыз.
Шетелде бәріне өзің қол жеткізуің керек. АҚШ-та сізге көмектесетін жақындарың болмайды. Бұл сізге мықтырақ болуға көмектеседі.
АҚШ-та сізге көмектесетін жақындарың болмайды. Бұл сізге мықтырақ болуға көмектеседі
Ең бастысы — жақсы достар табу. Отбасыңнан, туған жеріңнен жырақта жүргенде қасыңда сенім арта алатын, кез келген сәтте көмектесетін адамдар болуы керек. Мен дәл осындай жақын жандарды тапқаныма қуаныштымын. Достарымның барлығы шетелдіктер. Менің жақын достарым Мексика, БАӘ және Норвегиядан. Тіпті Испаниядан, Бразилиядан, Аргентинадан да достарым бар. Бір-бірімізге мотивация береміз, ағылшын тілін үйренеміз.
Дамуы және мансабы жайлы
Мен университетті бітірген кезде жұмыс табу қиын болды. Әсіресе компаниялардың визама демеушілік жасауы керек болғандықтан. Мұны ешкім жасағысы келмейді. Мен бірнеше ай жұмыссыз жүрдім, күн сайын LinkedIn арқылы түрлі лауазымдарға өтініш бердім. Бұрынғы менеджерлерге ұсыныс хат берулері үшін жаздым.
АҚШ-та адамдарды қабілет-қарымы, дағдылары үшін жұмысқа алады. Сондықтан ең бастысы — жақсы түйіндеме.
Сондай-ақ жақсы қарым-қатынас дағдыларыңыз болуы керек. Бірінші сұхбат телефон арқылы өтеді. Жұмыс берушілер сіздің қызығушылықтарыңыз туралы сұрайды. Егер олар сізді ұнатса, олар сізді екінші турға ауыстырады, ол жақта компания және ұсынылған позиция туралы айтады.
Мен Fortune Live Media компаниясында Production Coordinator болып жұмыс істеймін. Менің командам әртүрлі штаттардағы директорлар үшін конференциялар ұйымдастырады. Өткен жылы мен Вашингтонға, Сан-Францискоға ұшып барып келдім. Мен барлық төлемдерді жасаймын және қаржы тобымен жұмыс істеймін. Мысалы, мен флористерді шақырамын немесе мейрамханалардан орынға тапсырыс беремін. Маған мұндай жұмыс ұнайды, өйткені белсенді болуыңды талап етеді.
Жұмыс қашықтан, сондықтан компанияның ерекше мәдениетін байқамадым. Алайда ең жақсы жағы — менің басқа ірі брендтердің директорларын көруім. Мысалы, өткен жылы мен Pfizer директорымен жолықтырдым.
Қоныс ауару қалай әсер етті
Қоныс аудару басқа адамдарға қалай әсер етсе, маған да дәл солай әсер етті. Ендігіде жоспарымда — өзімді қамтамасыз ету үшін көбірек жалақы алатын бұдан да жақсы жұмыс табу. Мен тәуелсіз және мықты болуды үйрендім деп ойлаймын.