Қазақстан — Отанынан тыс жерлерде танылған өзінің көрнекті тұлғаларымен мақтанатын ел. Бұл адамдар Қазақстанды түрлі салаларда таныстырады және әлемге өздерінің бірегей таланттары мен жетістіктерін көрсетеді.
Қайрат Нұртасұлы Айдарбеков
Қайрат Нұртас — 1989 жылы 1989 жылы 25 ақпанда Түркістан қаласында дүниеге келген. Өзінің есте қаларлық хит әндерімен халықтың сүйікті әншісіне айналды. Оның «Ауырмайды жүрек» және «Ол Сен Емес» әндері тек Қазақстанда ғана емес, көрші елдерде де танымал болды. Оның әрбір концерті — ТМД-ның түкпір-түкпірінен көрермендерді асыға күттіретін маңызды сәт.
Дінмұхаммед Қанатұлы Құдайберген
1994 жылы 24 мамырда Ақтөбе қаласында дүниеге келген. Димаш Құдайберген музыка әлеміндегі нағыз феноменге айналды. Оның бірегей вокалдық диапазоны мен эмоциялық қойылымдары бүкіл әлем көрермендерінің назарын аударды. Қытайдағы «Singer» сияқты халықаралық конкурстарға қатысу оған халықаралық танымалдылыққа ие болуға мүмкіндік берді. Оның әрбір концерті — талант пен табандылықтың кез келген шекараны еңсере алатындығының дәлелі.
Нұрлан Әлібекұлы Сабуров
Нұрлан Сабуров 1991 жылы 22 желтоқсанда Степногорск қаласында дүниеге келген. Қазақстандық және ресейлік юморист, киноактер. Стендап жанрындағы өнерінің арқасында кеңінен танымал болды.
Айя Шалқар
1996 жылы 29 қаңтарда Ақтау қаласында дүниеге келген. Айя — ерекше келбеттің иесі және Суретші, дизайнер және кәсіпкер. 2018 жылы Шалқар жыл сайын TC Candler тәуелсіз сыншылардың халықаралық қауымдастығы жариялайтын «100 самых красивых лиц мира» сыйлығына үміткерлер тізіміне енгізілді.
Әділ Оралбекұлы Жәлелов
1990 жылы 3 маусымда Павлодар облысында дүниеге келген. Скриптонит — қазақстандық орындаушы және музыкалық продюсер, Musica36 лейблдің негізін қалаушы. Скриптонит өзінің қайталанбас стилі мен музыкаға деген инновациялық көзқарасының арқасында танымал болды. Қазақстанда да, одан тыс жерлерде де басқа да әртістермен және продюсерлермен ынтымақтастығымен танымал.
Назима Джанибекова
1990 жылы 21 қазанда Шымкент қаласында дүниеге келген. 2018 жылы ТНТ-дағы «Песни» телешоуына қатысып, 4-орынды иеленді. Назима — Black Star лейблінің әртісі болған.
Бахтияр Гусейнович Мамедов
1993 жылы 29 қыркүйекте Алматыда дүниеге келген. Jah Khalib — қазақстандық рэпер, әнші, битмейкер және продюсер. Оның алғашқы туындыларының ішінде «Твои сонные глаза», «SnD», «Сжигая дотла» және «Ты для меня» ең танымал болды. Jah Khalib көп ұзамай тек Қазақстанда ғана емес, басқа елдерде де танымал болды.
Иманбек Маратұлы Зейкенов
2000 жылы 21 қазанда Ақсу қаласында дүниеге келген. Imanbek — қазақстандық диджей және музыкалық продюсер. 2019 жылы ол Saint Jhn «Roses» әніне жазылған ремиксінің арқасында бүкіл әлемге танымал болды. Осы ремикс үшін ол «Грэмми-2021» музыкалық сыйлығын алды.
Данэлия Александровна Тулешова
2006 жылы 18 шілдеде Астана қаласында дүниеге келген. Қазақ әншісі, «Голос. Дети» төртінші маусымының жеңімпазы. Жас жұлдыз бала кезінен шетелде танылды.