Валерия Самойлова, 28 жаста, туған жері — Киев, Қазақстан Республикасындағы Украина елшілігінің дипломаты, @UKRinKAZ, Facebook
Не себепті қазақ тілін үйреніп жатырмын
Мен Қазақстан Республикасындағы Украина елшілігінің дипломатымын. Белгілі бір уақыт осында тұратындықтан,қазақ тілін үйреніп жатырмын. Мен жұмыс істейтін елдің адамдарымен тек орыс тілінде ғана емес, мемлекеттік тілде де сөйлескім келеді.
Тілді қалай үйреніп жатырмын
Қазақ тілі — мен оқыған шетел тілдерінің арасындағы ең қиыны. Грамматикасы ауыр, бірақ сөйлеу оңай.
Үш айлық курстан өтіп, бастапқы кезеңді өткенімді растайтын, сертификатын алдым. Курста топтық және жеке сабақтар болды. Биыл оқуды жалғастыру ойымда бар. Күнделікті өмірімде қазақ тілін қолданып жүрмін.
Үйренем деушілерге кеңес
Практика — тілді үйренуде көп көмегін тигізеді. Басында қатты қиын болуы мүмкін, бірақ оң нәтижелер жігерлендіре түседі. «Томирис» фильмі жайлы шығарма жазғанымда, өзімді жұлдыз сияқты сезіндім.
Қазақстанда шетелдіктер тек орыс тілін білетіндіктеріне үйреніп алған. Бірақ, жергілікті тұрғындар қазақ тіліндегі қарым-қатынасты қуана-қуана қолдайды. Мұнда адамдар туған тіліне құрметпен қарайды және бағалайды. Өзің тұратын елдің тілін қолдау керек деп ойлаймын. One more language — one more life.
Светлана Каримова, 25 жаста, туған жері — Волгоград, менеджердің көмекшісі, call-орталықтың операторы
Не себепті қазақ тілін үйреніп жатырмын
Мен Рессейде, Волгоградта тұрып, қазақ тілін оқытушымен бірге онлайн үйреніп жатырмын. Тілді үйрену туралы бір жыл бұрын ойлана бастадым. Қазақ тілін білуім дамуыма, айналамдағы адамдармен қарым-қатынасты көбейтуге көмектеседі.
Тілді қалай үйреніп жатырмын
Басында тек қызық болғандықтан оқитынмын. Кітаптарды сатып алдым, бірнеше рет қысқа роликтерді көрдім, бірақ нәтиже болмады. Көп ақпаратты түсінбедім.
Қазақ тілін үйрену үшін парақшаларды іздегенімде, @qazaqsha_online парақшасын таптым. Қазақ тілінің филологы өзіңе оқушыларды жинап жатқан, мен солардың біреу болдым. Сабақтар жеке, онлайн түрде өтеді. Практикаға көп көңіл бөлінеді.
Маған қазақ тілін үйренген ұнайды, бірақ әзірге кей дыбыстарды айтуда қиындық бар. Сөздерге қосымша жалғауды жиі ұмытып кетемін.
Үйренем деушілерге кеңес
Оқуды бастамас бұрын, мақсатыңды біліп алу керек. Осыдан кейін оқудың әдісін таңдау оңай болады. Мысалы, маған мұғаліммен оқыған ыңғайлырақ. Өйткені, мен тек тілді ғана оқымай, мәдениетін де біле бастаймын. Оқудың мұндай әдісі қызықты.
Ауызекі сөйлеуді түсіну үшін қазақша әндер мен фильмдер көремін. Сөздердің дұрыс жазылуын білу үшін кітаптар оқимын.
Илья Франктың кітап оқу жүйесімен оқыған қызық болар еді, бірақ қазақ тілінде ондай кітап әлі шықпады.
Дмитрий Ваизиди, 28 жаста, туған жері — Алматы, сату бойынша менеджер, @demidvaizidi
Не себепті қазақ тілін үйреніп жатырмын
Мен Алматыда тұрамын. Құрылыс материалдарын сататын компанияда жұмыс істеймін. Сату бойынша менеджермін, клиенттермен көп араласамын. Қазақ тілін жұмыс үшін оқимын. Сондай-ақ, қазақ тілінде сөйлейтін, достарым мен таныстарым бар. Тілді білуімде тек оң жақтарын көремін.
Тілді қалай үйреніп жатырмын
Қазақ тілін онлайн үйреніп жатырмын. Бұл әдіс маған тиімдірек. Оқытушымен бір сабақ бір сағатқа созылады, бұдан бөлек үй жұмыстары бар. Олар өткен тақырыпты қорытындылауға көмектеседі.
Кейбір сөйлемдерді қазақ тілінде айта аламын. Жақсы нәтиже үшін әлі де сөздік қорым жетіспейді. Қазақ тілінде көп фильмдерді қараймын, актерлердің сөздерін түсіне бастадым.
Үйренем деушілерге кеңес
Қазақ тілін үйренем деушілерге жақсы мұғалім табуға кеңес беремін. Қиындықтарға дайын болу керек. Мақсатқа жету үшін уақыт пен күш керек. Тыңғылықты практикасыз нәтиже болмайды. Сондай-ақ, тілді үйренуге көмектесетін қосымшаларды жүктеп алуға болады. QazaqApp қосымшасын жүктеп алуға кеңес беремін. Қазақ тілін үйренуді сондан бастағанмын.